Menu Close

Funtouch OS හා JoviOS වෙනුවට Origin OS නමින් නවතම Android Interface එකක් හඳුන්වාදීමට Vivo සමාගම සූදානම් වෙයි

Funtouch OS හා JoviOS වෙනුවට Origin OS නමින් නවතම Android Interface එකක් හඳුන්වාදීමට Vivo සමාගම සූදානම් වෙයි

ඔබ දැනටමත් දන්නා පරිදි බොහෝ Android ජංගම දුරකථන නිෂ්පාදකයින් සාමාන්‍යය Android operating system එක මත ඔවුන්ගේ ම UI එකක් නිර්මාණය කරන අතර ඒ නිසාම Pure Android වලට ආසන්න අත්දැකීමක් ලබාගන්නට නම් ඔබට අනිවාර්යෙන්ම Google Pixel දුරකථනයක් හෝ Android One OS එක මගින් බළගැන්වෙන වෙනත් දුරකථනයක් හෝ මිලදී ගන්නට සිදු වෙනවා.

Samsung සමාගමේ විසින් OneUI, Huawei සමාගමේ EMUI, Xiaomi  සමාගමේ MIUI, OnePlus සමාගමේ OxygenOS, Vivo සමාගමේ FuntouchOS ආදිය මෙම Android skin වලට ජනප්‍රියම උදාහරණ ලෙස පෙන්වා දිය හැකි අතර මෙම සමාගම් අතරින් Vivo සමාගම සිය FuntouchOS එක වෙනුවට JoviOS නම් අලුත් UI එකක් හඳුන්වා දෙන්නට කටයුතු කරමින් සිටින බව මීට පෙර ලිපියකින් අපි ඔබව දැනුවත් කළා ඔබට මතක ඇති.

FunTouch අතුරු මුහුණත වෙනුවට JoviOS නම් වූ නව අතුරු මුහුණතක් හඳුන්වාදීමට Vivo සමාගම සූදානම් වෙයි
Funtouch OS [https://www.vivo.com/en/funtouchos] යනු Vivo සමාගම විසින් 2014 වසරේසිට සිය Android ජංගම දුරකථන සඳහා භාවිතා කරනු ලබන අතුරු මුහුණතයි වන නමුත් Vivoසමාගම මේ වෙනුවට JoviOS නම් අලුත්ම අතුරු මුහුණතක් හඳුන්වා දීමට සූදානම් වෙනවා. FunTouchOS ව්‍යාපෘති කළමණාකරු ලෙස කටයුතු කරන Ge Yanan සිය Weibo…
Funtouch OS හා JoviOS වෙනුවට Origin OS නමින් නවතම Android Interface එකක් හඳුන්වාදීමට Vivo සමාගම සූදානම් වෙයි

කොහොම නමුත් JoviOS පිළිබඳව කිසිදු තොරතුරක් ඊට පසුව අනාවරණය නොවූ අතර 2020 වසර පුරාම නිකුත් වූ සියලුම Vivo දුරකථන වල ඇතුළත් වූයේ Funtouch operating system එකම බව දැකගත හැකි වුණා.

නමුත් නවතම වාර්තා විසින් පෙන්වා දෙන්නේ Vivo සමාගම විසින් Funtouch හා Jovi OS යන UI දෙකෙන්ම ඉවත්ව අලුතෙන්ම OrginOS නමින් අලුත් operating system එකක් හඳුන්වා දෙන්නට සූදානමින් සිටින බව වන අතර ජනප්‍රිය Weibo Leacker කෙනෙකු වන Digitalchatstation විසින් මෙම තොරතුරු හෙළිදරව් කර තිබෙනවා.


ඔහු ප්‍රකාශ කරන අන්දමට වැඩි දියුණු කරන ලද නව පහසුකම් රැසක් මෙම නවතම UI එක හරහා පරිශීලකයින්ට ලබාදීමට Vivo සමාගම සූදානම් වෙනවා.

Digital Chat Station Twitter ගිණුම මගින් හෙළි කරන තොරතුරු අනුව මේ නවතම UI එක පිලිබඳව මෙම වසරේ නොවැම්බර් හා දෙසැම්බර් අතර කාලයේදී නිවේදනය කරනු ඇතැයි බලාපොරොත්තු තබා තිබෙන අතර මෙම නවතම OrginOS , UI එක Vivo X60 දුරකථනය සමඟ හඳුන්වාදීමටද ඉඩ තිබෙන බව ඔහු අනුමාන කර තිබෙනවා.

කොහොම නමුත් දැනට මෙම UI එකේ Interface එක පිළිබඳව තවමත් වැඩිදුර තොරතුරු වාර්තා වී නොමැති අතර කුමන පැරණි Vivo ජංගම දුරකථන මාදිලි සඳහා මෙම නවතම UI එක ලබාදෙනු ලබන්නේ ද යන්න පිළිබඳව ද තොරතුරු වාර්තා වන්නේ නැහැ.

මේ ගැන වැඩිදුර විස්තර දැනගැනීම සඳහා GSM Arena වෙබ් අඩවිය සහ Gizchina වෙබ් අඩවිය භාවිතා කළ හැක.

%d bloggers like this: