Menu Close

ඔහේ පල් වෙමින් හුස්ම ගනිත්

woman on body of water

දුර ඈත පේන තරුවක්
දිහා බලාගෙන මම
හිනාවෙනව වරුවක්
ජීවිතය ඉතා කෙටි බව
ලෝකයෙන් ඈත් වූ විට
වැටහෙන්නට පටන් ගෙන ඇත
මම මගේම ලෝකයක
සිනහවෙමින් මියැදෙන කල
ඔබේ ලෝකයේ ඔබ
හිරවී තෙරපී ජීවත් වෙන්න
“උඹ හරි මෝඩයෙක්” ලෙස
මට කිව් මිනිසුන්
ජීවිතය යනු කුමක්දැයි සොයන්නට
උත්සහයක්වත් නොකර
තමන්ගේ ආත්මය සමඟ
ඔහේ පල් වෙමින් හුස්ම ගනිත් 
දුම් වළාවක පැටලී මම,
පාවෙමින් ඈතින් ඈතට යමි.
නුඹ තවමත් එකම තැන.
එසේ මා ඈතට යමින් දිනෙක
මරණයද අභිබවන කල
නුඹේ ආත්මය දිරා ගොස්
තවත් ශරීරයකට ආරූඪ වෙද්දි,
මා උත්පත්තියෙන් බොහෝ ඈතය..
ඉතින් දැනට
තාවකාලිකව සැනසෙමින්
සදාකාලිකව විඳවන්න
මේ ශාපයක් නොවේ
නුඹේ ඉපදීම නුඹේ ශාපයයි !

– රැහැන් මාරා | සිත්තම් මායා 
%d bloggers like this: