Menu Close

සුළඟට මිමිනීම

කෙතරම් වාර ගණනක් මිනිසා ඇවිද යා යුතුද ඔහුට මිනිසා යැයි කීමට පෙර?
කෙතරම් කාලයක් ඔහු සිටිය යුතුද මිනිසා නිදහස් වීමට පෙර?
සැමදාමත් එයට එක පිළිතුරයි ඇත්තේ
ඒ සුළඟට අප මිමිනීමයි
කෙතරම් වාර ගණනක් ඉහළ බැලිය යුතුද මිනිසාට අහස පෙනීමට පෙර?
කෙතරම් කන් ගණනක් ඔහුට තිබිය යුතුද මිනිසාගේ දුක ඇසීමට පෙර?
සැමදාමත් එයට එක පිළිතුරයි ඇත්තේ
ඒ සුළඟට අප මිමිනීමයි
කෙතරම් වාර ගණනක් ඔහුට හිස හැරවිය හැකිද කිසිවක් නොදකින ලෙසට?
කෙතරම් මිනිසුන් ගණනක් මිය යා යුතුද මිනිසුන් නැති බව දැනගැනීමට පෙර?
සැමදාමත් එයට එක පිළිතුරයි ඇත්තේ

ඒ සුළඟට අප මිමිනීමයි 


අර්ථය:

මිනිසෙක්ට ලෝකය හරිහැටි තේරුම් ගත් පුද්ගලයෙක් බවට පත් වීමට කෙතරම් අත්දැකීම් ප්‍රමාණයක් අවශ්‍යද? තමන්ගේ සමාජයේ වහලෙක් ලෙස බොහෝ මිනිසුන් අද සමාජයේ ජීවත් වේ. ඔවුන්ට එයින් නිදහස ලබෙන්නේ කවදා ද?

අහසින් සංකේතවත් වන්නේ නිදහසයි. මෙම නිදහස ලබා ගැනීම උදෙසා මිනිසා කෙතරම් කාලයක් නිදහස උදෙසා සටන් වැදිය යුතුද? තමන්ගේ අසල්වැසියාගේ දුක ඇසුනත් නොඇසුනා මෙන් සිටින මිනිසුන් ගණන අපමණයි. මෙම දුක ඇසීමට මිනිසා කන් කීයක් ලැබෙන තෙක් බලා සිටිනවාද?

යමෙකට කරදරයක් වූ විට එය නොදැක්කා සේ මිනිසාට කෙතරම් කාලයක් සිටිය හැකිද? දිනෙන් දින ඝාතන වැඩි වී අවසන් මිනිසා තෙක් සිටිනවාද මෙඅ ඝාතන නැවැත්වීමට?

සුළඟ විවිධාකාරයෙන් අප අසල සෑම විටම තිබේ. මෙම ප්‍රශ්න වලටත් පිළිතුර ඇත්තේ අප අසලමයි නැතහොත් අප තුලමයි. එම පිළිතුරු නිවැදිව දැකීම පමණයි අවශ්‍ය වන්නේ.




%d bloggers like this: