Menu Close

මැග්නෝලියා මල් හතක්

11242145-1200x812කලකට පෙර රජ කෙනෙක් සිටියේය. රැජිණියන් තිදෙනෙක් සිටියද, ඔටුන්න හිමිකම් කීමට දරුවෙක් නොමැති වූ හෙයින් ඔහු පසුතැවිල්ලෙන් වනයකට හුදෙකළාව පියමං කළේය. ඔහුගේ දුක හඳුනාගත් තාපසයෙක් කිසියම් අඹ කීපයක් දී, ඒවා රැජිණියන්ට අනුභව කරන්නට උපදෙස් දිනි. එවිට දරුවන් ලැබේ යන්න අවවාදය විය.
 
තාපසයා කී පරිදි ඒ අඹ රැජිණියන්ට දුන්නද, වැඩිමහල් රැජිණියන් ඒ ගැන සැක සිතු නිසා ඔවුන්ට දරුවන් ලැබුනේ නැත. එහෙත් බාලම රැජිණ ඒවා විශ්වාසයෙන් අනුභව කල නිසා ඇයට නිවුන් පිරිමි දරුවන් හත් දෙනෙක් ලැබිණි. මේ අවස්ථාවේ රජු මාළිගාවෙන් පිටත සිටියේය.
 
දරුවන් ලැබීම නිසා බාල රැජිණට සිහසුන්ව සිටියාය. වැඩිමහල් රැජිණියන් ඇයට ඉරිසියා කල හෙයින් ඒ දරුවන් වලවල් හතකට දමා මරා දමන ලදී. ඒ දරුවන් පොළවෙන් පැන නැගි, ‘චම්පක්’ හෙවත්, මැග්නෝලියා මල් හතක් විය.
 
නමුත් ඇත්තටම බාල රැජිනට නිවුන් දරුවන් අට දෙනෙක් සිටි බව දැන ගන්නට නොලැබුණේ, අට වන දරුවා පසුව ඉපදුණු හෙයිණි. ඒ අට වන දරුවා දියණියක් විය. වැඩිමහල් රැජිණියන් පළමු දරුවන් හත් දෙනා රැගෙන කාමරයෙන් එළියට යන විට අටවන දරුවා ලැබුණු හෙයින්, ඇයගේ දිවි රැකිණ. බාල රැජිණ ගේ සේවිකාව ඇය සඟවා ආරක්ෂා කළාය.
 
ඒ දියණියට ‘පරුල්’ යයි නම තැබිණි. පරුල් හැදුනේ වැඩුණේ විද්යාධර තාපසයන් අතර ජීවත් වෙමින් වනයකය. පසුව පරුල් කුමාරිගේ අතීතය සේවිකාව මගින් දැන ගත් පසු, විද්යා බලයෙන් ඇය ඇයගේ සොහොයුරන්ට පණ දී නැවත කුමාරවරුන් කළාය.
 
බෙංගාලි ජනප්රවාදයක් වූ මෙය හරියට ග්රීම් සොහොයුරන් ලියූ සුරංගනා කතාවක් වැන්න. එම කතාව, නොබෙල් ත්යාගලාභී රවින්ද්රනාත් තාගෝර් විසින් රචිත, ‘තකුර්මර් ජුලි’ යන පොතේ සඳහන්ය. එය ඇසුරෙන් බෙංගාලයේ සිනමාපට කිහිපයක් තැනිණි. Sat Bhai Chompa (1968) නම් සිනමා පටය බෙංගාලයේ නිෂ්පාදනය වූ ඉහළම සිනමාපට වලින් එකක් යයි සැළකේ.
 
මේ කතාව පාදක කර ‘ලතා මංගේෂ්කාර් විසින් ගයන ලද ‘ මැග්නෝලියා මල් හතක්’ හෙවත් ‘සාත් භායි චම්පා’ සේ [“Sat Bhai Chompa” (The Seven Magnolia Brothers)] බෙංගාලි බසින් ගයන ලද ගීතය ඉතා මනහරය. එහි මුල් ගායනා කොටසේ ස්වර කොටස, ප්රවීණ ඉන්දියානු ශ්රාස්ත්රීය ගායිකාවක් වූ, ‘කවුශිකී චක්රබාති’ ගේ මනහර ගායනාවෙන් ඇසිය හැක
 
ලතා මංගේෂ්කාර් ගේ ගීතය :-
 
කවුශිකී චක්රබාති ගේ ගීතය :- [තත්පර 20 සිට විනාඩි 1 තත්පර 18] https://www.youtube.com/watch?v=YkSyUzoHSPw
%d bloggers like this: