Menu Close

කන්ද උඩරටට රාත්‍රී මැරතන් තරගයක්.

කන්ද උඩරට ක්‍රීඩා ඉතිහාසයේ ප්‍රථම වතාවට මාර්තු මස 14 වැනි දින රාත්‍රී මැරතන් තරගාවලියක් සංවිධානය කිරීමට මහනුවර මහ නගර සභාව පළාත් ක්‍රීඩා , සංචාරක , සහ අධ්‍යාපන අමාත්‍යාංශ එක්ව ක්‍රියා කරමින් සිටිනවා.

ජාතීන් අතර සමගිය සංහිඳියාව හා යහ පැවැත්ම මාතෘකා කර ගනිමින් සමගියේ ධාවනය 2020 (යුනිටි රන් 2020 ) නමින් නම් කොට ඇති මෙම මැරතන් තරගාවලිය දෙස් විදෙස් ක්‍රීඩක ක්‍රීඩිකාවන් 800 කගේ පමණ සහභාගිත්වයෙන් පැවැත් වීමට නියමිත බවයි සංවිධායකයන් පවසා සිටින්නේ.

නගරයේ වීදි කේන්ද්‍ර කරගනිමින් වයස අවුරුදු 15 න් පහළ බාලක බාලිකා කිලෝ මීටර් පහක දුරකින් යුත් මැරතන් තරගයක් ද, වයස අවුරුදු 15 සිට 19 දක්වා බාලික බාලිකා කිලෝමීටර් 12 කින් යුතු මැරතන් තරගයක් ද වයස අවුරුදු 19 න් ඉහළ කිලෝමීටර් 21 කින් යුතු විවෘත තරගයක් වශයෙන් ද මෙම තරගාවලිය පැවැත්වීමට නියමිතයි.

තරගාවලියට සහභාගි වන සියලුම ක්‍රීඩක ක්‍රීඩිකාවන් වෛද්‍ය වාර්තාවක් ඉදිරිපත් කළ යුතු වන අතර මාර්තු මස 12 වැනිදා ට ප්‍රථම අයදුම්පත් ඉදිරිපත් කළ යුතු බව ද සංවිධායකයෝ පවසති. සියලුම තරඟ මහනුවර බෝගම්බර බන්ධනාගාරය ඉදිරිපිට දී ආරම්භ වන අතර මහනුවර නගරයේ වීදි කටුගස්තොට පාර සහ පේරාදෙණිය පාර කේන්ද්‍ර කරගනිමින් පැවැත්වීමට නියමිතය.

Share with Friends

%d bloggers like this: