Menu Close

මිනිහ මැරිලා තියෙන්නේ බිලා

අධ්‍යාපනය, නව තාක්ෂනය හරියට ගමට ගියේ නෑ, ඒ නවීන තාක්ෂනය ලබා දෙන්න හොද පාසැල් ගමට අරන් ආවේ නෑ , ගමේ ගොවියට ගොවිතැන් වලට ඕන කරන තාක්ෂණය ගමට අරන් ආවේ නෑ , ඒත් අරක්කු ටික , කුඩු , ගංජා ටික නම් අවා, අවා නෙවේ අරන් අවා. අදටත් ගම්වල මිනිස්සු මැරෙනවා අරක්කු / කසිප්පුම බිලා. තරුණ කොල්ලෝ නාස්ති වෙනවා කුඩු හින්දා, අපේ රටේ එක පරම්පරාවක් නැති කරා අරක්කු වලින්, තව පරම්පරාවක් නැති කරන්න හදනවා කුඩු වලින්. මේ රට කරපු කිසිම ආණ්ඩුවක් මේ ගැන හිතුවේ නෑ , උන්ට ඕන උනේ සල්ලි, අරක්කු වලින් එන බදු සල්ලි, සිගරට් වලින් එන බදු සල්ලි. හිතන්න එපා මෙච්චර කාලයක් මේ රට කරපු අය අපිට ආදරේට දෙයක් කලා කියල, හැමදේම කරේ එයාලගේ පරම්පරාවල් වෙනුවෙන්, උන්ගේ පරම්පරාවල් ගොඩදාගන්න අපේ පරම්පරාවල් නැති කරා. ඒ නිසා තේරුම් ගන්න ඔයාගේ පවුල ගොඩදාගන්න ඕනේ ඔයා, එකට ඕන තරම් විදි තියනවා. බොන්න එපා අරක්කු, බොන්න එපා සිගරට්, බොන්න එපා ගංජා , කවුරු මොනවා කොහොම කිව්වත් ඒවා ඔයාගෙ ජිවිතේ නැති කරනවමයි.

ඒ මිනිහ මැරිලා තියෙන්නේ බීලා, මේක මට ඇහුනේ අපේ අම්මගෙන්, බීලා බීලා මැරිලා තියෙන්නේ මල ගෙදරවත් යන්න ඕනේ නෑ, එහෙම තමා මට අහන්න හම්බුනේ. මමත් දන්නවා ඒ මනුස්සය, ඒ මනුස්සය බිව්වා, එත් එයා හොද මනුස්සයෙක්, මුල් කාලේදී අරක්කු බීල පස්සේ පස්සේ කසිප්පු වලට පුරුදු උනා, එහෙම වෙච්ච මනුස්සයෙක්ගේ බොකු බඩවැල්, අක්මාවට මොකද වෙන්නේ කියල අපි දන්නවා, මගේ හිතේ ලොකු දුකක් ඇති වුනා ඒක ඇහුවම, මොකද ඒ මනුස්සයව ඒකට ඇබ්බැහි කෙරෙව්වා එයත් නොදැනුවත්වම, මම කලිනුත් කිව්වා වගේ ඒ පරම්පරාව නැති කෙරෙව්වා අරක්කු වලින්. මම දන්නවා ඔයාලගෙත් ලගම කවුරුහරි ඇති මේකට අහුවුණ, නොදැනුවත්වම, ටිකෙන් ටික. අපේ රටට වැඩ කරන්න හිටපු මිනිස්සු නැති කෙරෙව්වා මේ විදිහට. මේ කියපු දේවල් ටික වෙලාවක් අරන් කල්පනා කරලා බලන්න එහෙම නෙවේද උනේ කියලා.

මේ දේම දැනටත් වෙනවා, එත් වෙනස් විදිහට, මත්කුඩු, අරක්කු, සිගරට්, මේ හැම විදිහටම මේක ක්‍රියාත්මක වෙනවා අපේ ඊලග පරම්පරාවත් නැති කරන්න, ඒ නිසා ඇස් අරගෙන අවදියෙන් ඉන්න හැමදෙයක් ගැනම, ඊළගට ගොදුරු වෙන්නේ ඔයා වෙන්න පුළුවන්, ඔයාගේ දරුවෙක් වෙන්න පුළුවන්, සහෝදරයෙක් වෙන්න පුළුවන්, ඒ නිසා අවදියෙන් ඉන්න.

%d bloggers like this: