Menu Close

මට කලින් පිපි මලක් වේ

සීමා මායිම් කියන්නේ ප්‍රේමයට අනිවාර්ය දෙයක්. කුලය, මුදල, වයස, ජාතිය, ආගම වගේ ගොඩක් සීමා මායිම් ප්‍රේමය හමුවට එනවා. ඒත් මේ හැම සීමාවක්ම හැම මායිමක්ම බිඳගෙන සෑබෑ ආදරයක් නම් ඇති වෙනවමයි. නමුත් ඒ ආදරය ඇති වුණත් ඒක හැම වෙලාවෙම සඵල වෙනව කියල හිතන්න අමාරුයි. ප්‍රකාශිත අප්‍රකාශිත ආදර කතා ගොඩක් ඒ අතර තියෙනවා. වියපත් බඹරෙකුට පුංචි රෝස මලකට පෙම් කරන්න බැරිද? ඒ වගේ…..
මලක් වේ
මට කලින් පිපි මලක් වේ
සිතක් වේ
ඒ මලට මට සිතක් වේ
නුරා සපිරුණු සිහිනයක් නොව
ප්‍රේමයක් පමණයි
සම්මතය බිඳ ලියන්නට සිතෙනා
පෙම් කවක් පමණයි
හදේ ඉපැදුණු රාගයක් නොව
ආලයක් පමණයි
ලොවින් සැඟවී අඳින්නට සිතෙනා
සිතුවමක් පමණයි

 
ලියා එව්වේ – වර්ණ (http://warnakulakaya.blogspot.com)

%d bloggers like this: