Menu Close

ගිරිහෙල් මුදුනේ මානෙල් නොපිපේ

දින තුනක් පුරාවට ළෙංගතුව ගෙවූ චාරිකාව නිමාව සනිටුහන් කරමින් තිබේ. විනෝද චාරිකාව පුරාවටම වැඩි වාර ගණනන් ගැයූවේ ‘ගිරිහෙල් මුදුනේ මානෙල් නොපිපේ’ ගීතයයි. ඊට හේතුව වූයේ ඇගේ බලවත් ඉල්ලීමයි.

මා ඇයට සමුදෙන්නේ කෙසේද? යළි ඇය මා හට හමුවේද?

එහෙනම් බායි අයියේ..

මේ නංගි..

ඇයි?

මම මේක ඇහුවට තරහ වෙන්න එපා. ආයෙ අපි හම්බෙයිද දන්නෙ නෑනෙ ඒකයි අහන්නෙ.

මොකක්ද?

තරහ වෙන්නෑ නේද?

නෑ.. නෑ… කියන්නකෝ ඉක්මනට අම්මලා යන්න හදන්නේ

මේ….

ඉතින්…

මේ… ඇත්තටම ගිරිහෙල් මුදුනේ මානෙල් පිපෙන්නෙ නැත්තෙ ඇයි?

පිස්සා…. යැයි සිනාහඬින් පවසා ඈ යන්නට ගියාය.

නිවසට පැමිණ පැය කිහිපයකට පසු මගේ දුරකථනයට නොහඳුනන අංකයකින් කෙටි පණිවිඩයක් පැමිණියේය.

girihel mudune manel nopipe…..

ලියා එව්වේ – හංස සංදීප

%d bloggers like this: