Menu Close

ගෙදර ❤

මං හරිම  ආසයි
 ගෙදර යනවා කියා දැනෙනවට
හුරු පුරුදු සුළං රැළි
හමාගෙන ඇවිත් ගත වදිනවට..

හුරු පුරුදු නම් ගහපු
බස් එකක් දෙකක් මග හැරෙනවට
හුරුපුරුදු මුහුණකින්
“ගෙදර යනවා” වගේ ඇහෙනවට

හුරුපුරුදු ගස් කොලන්
මල් දරා සැරසිලා සිටිනවට
හුරුපුරුදු සිනාවක්
වැට අසල මග බලන් ඉන්නවට

මං හරිම ආසයි
ගෙදර යනවා කියා දැනෙනවට
ඒ හුස්ම පොද දිගේ
හදවතම මලක් වී පිපෙනවට

%d bloggers like this: