Menu Close

109. මලක් වැටුනා

අහන විස්තර හමන සුළඟත් නතර කරගෙන ඔබ ගැන
ලිහන හිත ඔබ ගාව නැවතුන සොඳුරු තත්පර ගැන ගැන
ඉවස ගන්නට බැරුව මොහොතක් නොදැක ඔබ රුව සොයමින
දුවන ඇස් දෙක වෙනද එහෙ මෙහෙ අසරණව අද එකතැන

හුඟක් දවසක් මග බලාගෙන නොයිවසිල්ලෙන් ගත වුනත්
ඇවිත් යන්නට කරුණු නොයෙදුනි දුකම පමණක් මට ගෙනත්
නවත් වන්නට නොහැකි අයුරින් ඔබම සිහි වනවිට තවත්
මලක් වැටුනා ගසින් ගිලිහී ඇහිඳ ගන්නට මට අදත්

පටන් අරගෙන අඩක් ලිව් කවි තවම එහෙමම එකතැනයි
මතක් වෙනකොට හිතම කකියයි මිදෙන සුසුමද හරි බරයි
අරන් සුසුවඳ මෙතෙක් ළඟ හිටි මලත් පරවෙන්නට හදයි
තවත් දවසක් ඉතින් ගෙවුනා..මාත් මියැදෙන්නට ළඟයි.
(පින්තූරය අන්තර්ජාලයෙනි)

%d bloggers like this: