Menu Close

105 .මටත් ආසයි

හෙටත් අද වාගේම වනු ඇති බවට සලකුණු පෙනෙනවා
ඉහත් තාවෙන් තාම ආකහෙ අඳුරු හෙවනැලි ඇදෙනවා
තවත් පාරක් පෑරුනා හිත, කමක් නෑ ඔහෙ ඉන්නවා
ගියත් මගහැර නොදුටුවා සේ දුටුව බව මං දන්නවා

දුවන්නට ගව් ගානකට දුර යලිත් කලබල වෙනකොට
හිතන්නට ඔබ තාම හරිබව හිතක් දිගටම එනකොට
සදන්නට පෙර සුවඳ මතකය බිඳින් බිඳ කැලතෙන කොට
ගෙවන්නට සති අන්තයම දිග මේත් හොඳටම ඇති මට

පිටත් කර දුක් සුසුම් ඈතක සුළං සිහිලැල්ලක් දිගේ
පවත්වයි සංවාද පිණි මුතු සිනිඳු මල් පෙත්තක අගේ
නවත්තන්නට ඔයා එනකන් සුවඳ මල් මාවත දිගේ
මටත් ආසයි හිනා වෙන්නට ආයෙමත් ඉස්සර වගේ.
(පින්තුරය අන්තර්ජාලයෙනි)

%d bloggers like this: