Menu Close

ජීවිතේ බර වැඩියි ඇත්තට

දෙනෝදාහක් මැද හැම වෙලාවේ
හිත දුවන්නෙම කල්පනාවට
ගතේ දැවටෙන සිහිල් සුළගත්
මවා දෙන්නෙ පාලු හිස්කම

ලොවේ කොතැනත් ජීවිතේ මග
හිතට හුරු තැන හුදෙකලාවට
සෙමින් නැලවෙන තුරු ලතාවන්
ගෙනත් දෙන්නේ රැයේ සිතුවම

සිතින් සිතුවිලි මවා ගත්තට
හීන ඇත්තෙම ඇතිව නැතිවෙන
හිනාවක් වී මවා පෙන්නුව
ජීවිතේ බර වැඩියි ඇත්තට

ලොවේ අපමණ දෙනෙක් අතරේ
කෙනෙක් වූවත් තුටින් හිනහෙන
දරාගන්නට නොහැකි විටකදි
වැටෙන කදුළක සතුට කොතැනද

%d bloggers like this: