Menu Close

FILM : අලුත්ම ටර්මිනේටර් චිත්‍රපටය – Terminator : Dark Fate

ටර්මිනේටර් චිත්‍රපට මාලාවේ අලුත්ම චිත්‍රපටය වන ටර්මිනේටර් : ඩාර්ක් ෆේට්, මේ වසරේ නොවැම්බර් 1වැනිදා තිරගතවීමට නියමිතයි.

මෙම චිත්‍රපටය ඩෙඩ්පූල් චිත්‍රපටය අධ්‍යක්ෂණය කල ටිම් මිලර්  විසින් අධ්‍යක්ෂණය කරනලද අතර ජේම්ස් කැමරන් නිෂ්පාදනයෙන් දායකවනවා.

1984දී පලමු ටර්මිනේටර් චිත්‍රපටය එලිදැක්වුනු අතර 1991දී ටර්මිනේටර් 2 : ජජ්මන්ට් ඩේ එලිදැක්වුනා. මේ චිත්‍රපට දෙකම ජේම්ස් කැමරන් විසින් අධ්‍යක්ෂණය කරන් ලැබූ අතර, යලිත් ටර්මිනේටර් චිත්‍රපටයක් සඳහා ජේම්ස් කැමරන් දායකවන්නේ වසර 28කට පසුවයි.

එමෙන්ම පලමු චිත්‍රපටයේ සේරා කොනර් (ජෝන් කොනර්ගේ මව ) චරිතයට පණපෙවූ ලින්ඩා හැමිල්ටන් යලිත් එම චරිතයට පණපොවනවා. ටර්මිනේටර් කතාමාලාවේ සුප්‍රකටම චරිතයට පණපොවණ ආනල්ඩ් ශ්වසනෙගර්ද මෙම චිත්‍රපටයේ ප්‍රධාන චරිතයක් හොබවනවා.

ටර්මිනේටර් මාළාවේ 6වැනි චිත්‍රපට වන ටර්මිනේටර් : ඩාක් ෆේට් කථාව ටර්මිනෙටර් 1 හා දෙක චිත්‍රපට අවසන්වූ තැනින් ආරම්භවන අතර ටර්මිනෙටර් 3,4,5 චිත්‍රපට වල සිදුවීම් මාළාවන් අතහැරදමා ටර්මිනේටර් වෘතාන්තය, අලුත්ම මානයකට ගෙන යනවා.

පසුගිය ටර්මිනේටර් චිත්‍රපට කිහිපයම අසාර්ථකවීම,  විශේෂයෙන්ම Terminator : Genisys අසාර්ථක වීම පැරමවුන්ට් සමාගම මේ තීරණය ගැනීමට ප්‍රධාන හේතුව ලෙසයි සළකන්නේ.

%d bloggers like this: