Menu Close

කියවලම බලන්න


එක් දක්ෂ ඇමෙරිකානු ජාතික සිසුවෙක් Princeton විශ්වවිද්‍යාලයට එන්නේ න්‍යායාත්මක භොතික විද්‍යාඥයෙකු (Theoretical Physicist) වීමේ අරමුණින්. එහිදී එක් විෂයයක සමීකරණයක් විසඳීමට ඔහු සහ ඔහුගේ room mate වූ ජෝ සමඟ උත්සාහයක් දරනවා. පැය තුනක් ගතවුණත් ඔවුනට එම සමීකරණය විසඳීමට හැකිවෙලා නැහැ. අවසානයයේ ඔවුන් තීරණය කරනවා මුළු Princeton University එකේම එවකට දක්ෂසිසුවා ලෙස සැලකූ වෙනත් සිසුවෙක්ගෙන් එය විසඳීමට උදව් ඉල්ලීමට.

තුන්වන ලෝකයේ රටකින් විශ්ව විද්‍යාලයට පැමිණි එම දක්ෂ සිසුවා ඔවුන් දෙදෙනාට විසඳිය නොහැකිවූ සමීකරණය දෙස විනාඩි තුනක් පමණ බලා සිට පිළිතුර ප්‍රකාශ කරනවා. එම පිළිතුර ගත් ආකාරය පැහැදිලි කිරීමට එම දක්ෂ සිසුවා පිටු තුනක් පුරා සමීකරණ ලියමින් ඔවුන්ට පහදා දෙනවා. එතරම් අසීරු සමීකරණයක් ඒ දෙස බලා සිටීමෙන් පිළිතුර ප්‍රකාශ කිරීමත් ඔහු එම සමීකරණය විසඳන ආකාරය කියාදීමත් ගැන මවිත වන ඇමෙරිකන් සිසුවා සහ ඔහුගේ මිතුරා ජෝ අසන්නේ එවන් සංකීර්ණ සමීකරණයක් මනෝමයෙන් විසඳුවාද යන්නයි.


මේ සිද්ධිය එම ඇමෙරිකානු සිසුවාට තමාට න්‍යායාත්මක භෞතික විද්‍යාඥයෙකු වීමට තරම් දක්ෂතාවයක් නැතැයි යන්න සිතීමට හේතු වෙනවා. එමනිසා ඔහු හදාරමින් සිටි පාඨමාලව වෙනස් කරනවා. පසුව ඔහු පොත් වෙලඳාම සඳහා වෙබ් අඩවියක් නිර්මාණය කරනවා. මේ පුද්ගලයන් කවුද.

අද ලොව ධනවත්ම පුද්ගලයා වන Amazon සමාගම හිමි Jeff Bezos තමයි න්‍යාත්මක භෞතික විද්‍යාව අතහැර වෙනත් අධ්‍යයන මාර්ගයක ගිය ඇමෙරිකානු සිසුවා.

Jeff Bezos

ඔහුට පැය තුනකින්වත් විසඳීමට නොහැකි සමීකරණය විනාඩි තුනක් මනෝමයෙන් විසඳූ තුන්වන ලෝකයේ රටකින් ආ සිසුවා රාජකීය විද්‍යාලයේ සහ මොරටුව විශ්ව විද්‍යාලයයේ ආදි සිසු යසන්ත රාජකරුණානායක.
යසන්ත රාජකරුණානායක
ලෝකයේ ධනවත්ම පුද්ගලයා වන Jeff Bezos මෙම සිද්ධිය විස්තර කිරීම මේ සමඟ ඇති වීඩියෝවේ 24 මිනිත්තුවේ විට 27 මිනිත්තුව දක්වා නරඹන්න.







%d bloggers like this: