Menu Close

281. අකුරු…

රුදු විස පිරි කටු අකුලේ සුවඳැති මල් පුබුදුවන්න
ගිනියම් වූ අඟුරු මතට වැහි පොද වී ඇද හැලෙන්න
හඳ නැති රෑ කළුවර මැද තරු එළියක් වී දිලෙන්න
අකුරුවලට ඇහැකිය ඒ අරුමැසි විසිතුරු මවන්න

චණ්ඩව මහ රළ නගනා සමුදුර මැද රුවල් ලන්න
ගිගුරුම් දෙන අසනි සරට මල්මද මුදු සිනහ දෙන්න
දුම් දමනා ගිනි කන්දක ලෝදිය කඳ නිවාලන්න
අකුරුවලට ඇහැකිය ඒ අරුමැසි මායම් මවන්න
%d bloggers like this: