Menu Close

බක් මහ අකුණු ⛈

මිහිරි සිසිලැති සුවඳ අරගෙන..
සොම්නසේ සුබ නිමිති පිපිලා..
කලට නියඟෙට සමුදෙන්න කී
බක්මහේ වැහි සර  බලල්ලා..
නිහඬ නියඟෙට සෝ සුසුම් පෑ
වෙල් එලිත් මල් සිනා පාලා..
කිමද මෙතරම් වූ පමා මේඝය
මෙන්න බක්මහ වැහි ඇවිල්ලා..

කැවුම් සුවඳට මුසුවෙලා එන
සුලං සරයට ගී ගයාලා…
බැඳුම් තෙල් හා ගැයුණු කෝඳුරු
ගීතයක කෙම් නද අසාලා..
පහල ඇලදොල යසස් සිරි දෙන
ඔරු පදින්නට ගී වයාලා..
බලන් සකිසඳ එරබදුත් සාරෙට
තවම ගම්දෙණි පාට කරලා..

නගර ගම්බිම් සිරි අසිරි දී
නියං දුරගිය වග බලල්ලා…
මහා වරුසා ගර්ජනා දී
ඇදෙන සිරි සරු නෙත් විඳිල්ලා..
සාර සිරි පිරි සතුට රජකල
සෙනේ උතුරන කල් ඉඳිල්ලා..
අකුණු සැර පිරි වසත් සිරිගෙන
මේ සැරෙත් අවුරුදු ඇවිල්ලා.. “⛈⛈

මානි –

%d bloggers like this: